伊健打機 為演唱會搵靈感

鄭伊健昨日與打機達人「達哥」林慧韡到尖沙咀出席電競手機發布會，兩人還即場一齊打機。明年二月尾舉行演唱會的伊健，雖然忙於籌備個唱，但無阻他打機，伊健表示︰「以前好多人都話我咁大個人仲打機？依家個個都玩手機遊戲，係我哋以前行得太快啫。」他又透露上次演唱會的idea都是來自遊戲，又指很多遊戲概念都比電影快，所以他會繼續打機，又笑指︰「打機比玩跑車平好多。」