「郵」心出發聖誕傳情 宣揚關愛與和諧

聖誕節係個普天同慶嘅大日子，世界各地都有唔同嘅節慶活動，香港當然都唔例外。黛安知道，由一班嚟自唔同學校、唔同界別嘅義工組成嘅非牟利團隊「郵心出發」，將會喺嚟緊嘅禮拜日（11日）到12月16日舉辦一系列聖誕活動，一齊傳播關愛和諧信息！

公關姊妹同黛安講，郵心出發會喺嚟緊禮拜日喺上環東協商業大廈4樓Power A Space舉辦「聖誕傳情2018啟動禮暨設計比賽頒獎禮」，同埋展覽，仲特別邀請咗全球首個國際認可嘅華人聖誕老人Santa Jim嚟呀！今年比賽主題係「我心目中的聖誕老人」，所有優秀作品都會喺展覽度展出。

除咗睇展覽之外，大家仲可以齊齊寫信畀聖誕老人！事關郵心出發而家就開始收集「給聖誕老人的信」，大家只要喺12月10日前將信件郵寄至「LTW,香港將軍澳郵局65018郵箱」，或到以下網址登記:http://www.mymailbox852.com/writetosanta，就可以喺聖誕節前收到聖誕老人嘅回信喇！黛安都好想收到聖誕老人嘅信呀！

郵心出發亦會舉辦回信工作坊，以及喺下月14日至16日舉辦義工交流營，齊齊傳播愛同快樂嘅信息，如果大家有興趣，可以去以下網址瀏覽詳情︰http://www.mymailbox852.com/。