突襲快餐店買包 霆鋒唔夠錢找數

謝霆鋒最近為麥當勞設計的兩款漢堡及一系列美食已經推出，日前他與經理人霍汶希（Mani）突襲金鐘麥當勞，乘機觀察食客的反應及食品質素，不過一心想請客的「Chef Nic」竟然不夠錢埋單，場面惹笑。

謝霆鋒當日在櫃位購買兩份自己設計的快餐，但不吃牛肉的Mani卻想吃魚柳包，霆鋒靈機一觸說︰「唔怕，我哋有燒味味shake shake粉。」之後店員推介「鋒味」特飲，Mani又唱反調想飲熱咖啡，霆鋒忍不住反眼說︰「你梗係試下我個橙雜啦！」結帳時，霆鋒才發現銀包不夠錢，尷尬不已，Mani見狀即大笑起來，最後要由Mani負責埋單。

二人等餐期間，不少食客紛紛上前要求合照，霆鋒亦來者不拒。霆鋒更緊張問男食客︰「有無食過窩蛋免治牛肉飯？似唔似嗰件事但係變成一個摩登嘅做法？」獲男食客大讚後，霆鋒就大啖品嘗自己設計的漢堡包，完全不理會途人向他舉手機狂拍，吃得津津有味。

周圍派街坊

食完漢堡後，霆鋒拿着一整盤漢堡包派街坊，不少食客乘機與霆鋒集郵，引起現場小騷動。臨離開前，為食的霆鋒又突然說想買奶茶味雪糕，Mani忍不住揶揄他︰「買？你邊有錢呀？你係無錢吖嘛。」令霆鋒頓時無聲出，十分搞笑。

撰文︰倪小珊

編輯︰李潔盈

美術︰顏玉玲