心穎放聲氣想嫁 馬國明︰佢無同我講

馬國明早前和女友黃心穎去澳洲出席心穎三家姐婚禮，心穎回港後表示爸爸近年身體不太好，作為女兒希望父親能看到自己出嫁，不過馬明笑言只知道女友仍想在事業上衝刺。

藝人杜大偉有份投資的火鍋店昨天舉行開幕禮，好友馬國明擔任剪綵嘉賓，馬明坦言開始考慮做生意。

結婚光明正大

馬明和心穎被影到在澳洲期間sweet到爆，他聞言笑一笑謂︰「只係好簡單嘅朋友婚禮，新娘子（心穎三家姐）係我姪女嘅朋友，姪女懷孕唔方便坐長途機，我就做代表出席。」

對於心穎曾謂希望爸爸能看到她結婚，馬明笑言︰「咦！佢話想喺事業上衝刺先。」又有人見到馬明為心穎挽手袋，他坦言︰「我唔介意拎女人手袋，有時都會幫阿媽拎手袋啦，我都聽過有人話男人幫女人拎手袋無出息，咁要視乎情況。」問到此行與女友去澳洲，會否已秘密結婚？他笑言結婚一定會光明正大，但明白有些藝人有隱衷要秘婚。

採訪︰Pauline

編輯：黃卉彤

美術：陳超雄