謝霆鋒地底創作 鋒味漢堡

Chef Nic謝霆鋒昨日以一身大廚氣勢出席「麥當勞x鋒味」The Signature Collection新品發布會，大談創作一系列地道港式風味漢堡及美食的靈感，更自爆創作過程要躲在地底機密進行，就連摯親都不能打尖試食。

謝霆鋒即席施展烹調技巧，他笑言，是次創作靈感源自在片場拍戲經常吃的飯盒︰「平時拍戲好忙，好少機會返屋企食飯，所以對我嚟講，片場嘅肉醬煎蛋飯、兒時經常食嘅洋蔥豬扒飯，正是我最熟悉又窩心嘅味道。」

他透露花了幾個月時間構思這兩款漢堡包，又笑言曾想過加入乾炒牛河！問到身邊人甚至兩個囝囝可有試過？他說︰「呢啲遲啲先講，不過成件事都好機密，無搵過朋友試食，全程喺中央廚房嘅地底試做。」

搶檔期開演唱會

提到早前有意開演唱會，霆鋒表示︰「依家搶緊期，好瘋狂，爭緊明年底至2020年頭，真係好多人開，我都有同製作傾，今次唔係為咗有集體回憶去做，而想有個新經歷。」好兄弟陳奕迅於本周六在中環海濱舉行慈善騷，霆鋒坦言都想搞戶外騷，不過要考慮天氣問題。

採訪︰Pauline

編輯：黃卉彤

美術：顏玉玲