肥媽煮餸 威到瓦努瓦圖

肥媽和陸浩明（6號）昨日為節目《肥媽優質食好D》拜神，肥媽笑言過往幾輯節目以平價食材炮製美食，今輯終於用上貴價食材；她又笑指得節目帶挈，在海外吸納不少粉絲，遠在瓦努瓦圖都有人認識她。

肥媽表示今輯節目只有五集，每集用上不同主題，例如全牛宴等，教人烹調優質靚肉。她又笑言每集感覺似在家中煮飯，所以拍攝時十分容易。另外，她透露稍後會到澳洲出席有機農場開幕，屆時會炮製幾百人分量的牛肉菜式。

肥媽和6號異口同聲表示，因過往幾輯節目，令他們儲下不少海外粉絲，6號自言早前去希臘旅行，在當地有中美洲人士認出他；而肥媽亦笑說連哥斯達黎加及瓦努瓦圖也有她的粉絲：「我去洛杉磯，當地中菜餐廳啲人都問我靚食材應該點樣煮。」她又表示，有內地粉絲只知道她識煮餸，竟不知原來她是歌手，令她覺得十分搞笑。

6號否認結婚

另外，6號早前與女友到希臘旅行，二人在當地的靚相似足拍婚照，但他否認結婚，只說：「真係有喜事，不過係女朋友生日。」肥媽聞言即向6號催婚：「人哋展鵬（陳展鵬）都結咗婚，你都要大鵬展翅！」6號自嘲是「小鳥」，希望成功置業後才想人生大事。

撰文︰Pauline

編輯：李潔盈

美術：顏玉玲