傳爭視后煞停婚事 李佳芯︰換獎唔馨香

李佳芯（Ali）今年憑劇集《BB來了》的新手媽媽角色，令外界對她的演技刮目相看。有指她本計劃嫁人，但為得到今年視后寶座，決定煞停婚事換獎，但Ali昨日出席活動時否認傳聞。

李佳芯昨日戴上優雅帽飾出席「莎莎婦女銀袋日」發布會，Ali平日較少收藏帽子，笑言最喜歡儲錢，希望早日買到「磚頭」。提到近日樓市回落，叫男友陳炳銓一齊買樓保值？她說：「佢（男友）對數字無概念，佢唔係大花筒，只係唔識投資。」幫男友管理財政？她說：「我哋呢個階段又未使，但媽咪喺我細個時教我，將來老公有十蚊就要畀九蚊老婆，我可以八蚊嘅！」

近日有傳Ali因奪視后呼聲高，加上多位花旦離巢，令原本計劃結婚的她決定押後嫁人，力爭獎項。她否認說：「我都唔知自己有婚事，同埋公司畀唔畀獎我，都無人知。獎項唔係換返嚟，係要實至名歸，唔想我攞咗就被人鬧。」

獲陳煒睇好

提到憑《宮心計2深宮計》成為視后另一大熱的陳煒，亦睇好Ali得獎，Ali聞言說：「煒哥太好喇！佢係我前輩，我都好鍾意佢。（視煒哥為勁敵？）《深宮計》同《BB來了》兩套劇完全唔同，唔可以比較，平常心面對啦，無得諗。」

採訪︰Pauline

編輯：李潔盈

美術：梁政敏