Twins澳門騷 另一半撑場 阿嬌讚賴弘國係好爸爸

Twins前晚在澳門威尼斯人舉行巡唱終點站，鍾欣潼（阿嬌）獲夫家總動員支持，老公賴弘國更不時為她拍照留念；蔡卓妍（阿Sa）的百億太子爺男友石恆聰亦低調捧場。

Twins前晚以短褲騷長腿唱《着睡衣跳舞》打頭陣，阿Sa在台上說：「上星期阿嬌send message話好掛住我，我當堂打個突，因為平時唔會講呢啲。」阿嬌笑答：「我上完真人騷《爸媽學前班》後開朗咗，要強迫對住一班陌生人，所以特別掛住你。」

握手環節時阿Sa突然慘叫，原來被fans抓到手背甩皮，她笑說：「你哋係咪淨係鍾意阿嬌，唔鍾意阿Sa？」阿嬌特意行到老公賴弘國附近，但賴弘國似乎有點怕醜，最後Twins唱《戀愛大過天》作結。

騷後二人均表示獲另一半到場支持，阿嬌笑言除老公外，老爺奶奶亦到場。提到阿嬌與老公拍攝《爸媽學前班》，她說：「真係學到嘢，做人父母唔容易，但起碼知道我老公會係個有耐性嘅好爸爸。但我哋未有造人計劃，起碼兩年後。」

余德丞捧場獲鼓勵

另外，大病初癒的余德丞（Dickson）前晚亦來捧場，更在IG大曬與偶像Twins的合照和片段。片段中，坐第一行的Dickson興奮狂唱歌，阿Sa一見他即說：「你好番喇，要身體健康呀！」Dickson亦合十表示多謝。

撰文︰Pauline

編輯：李潔盈

美術：招潤洪