高Ling撑岑杏賢做單身貴族

高海寧（高Ling）昨午到鰂魚涌出席「色廊展」活動，她日前參與岑杏賢（Jennifer）的30歲生日派對，高Ling笑言當日有人帶男仔介紹給壽星女，但她說︰「Jennifer對愛情好謹慎，依家享受單身，唔知個男仔係咪佢杯茶！」

高Ling昨日露肩上陣，甚為性感，她日前與朱千雪、王君馨等全女班為岑杏賢慶生，她笑說︰「當晚好開心，Jennifer喺酒店Book咗間房，大家一起傾偈、唱歌，影下靚相好放鬆！」

談到岑杏賢與袁偉豪分手後一直單身，可有男仔參與派對？高Ling直言有人帶男生介紹給Jennifer︰「佢係好女仔，學識廣博，性格又好，其實唔使介紹。佢對愛情比較謹慎，我知佢好享受單身生活，唔急於拍拖，我哋會尊重佢決定！」

此外，高Ling透露本月尾將與李佳芯（Ali）往台灣拍劇集《殺手》外景，期間會有數天假期，她已相約Ali在當地放鬆一下︰「台灣有好多特色咖啡店，好想去影下相扮文青。」

撰文、攝影︰Steven

編輯︰李潔盈

美術︰梁政敏