張玉珊唔肯復出：怕被人笑

張玉珊、汪詩詩及汪圓圓等前晚出席慈善晚宴，擔任晚宴籌委的張玉珊久未露面，她談到近況時說：「都係咁啦，好沉悶，無太大突破。」問她可會復出幕前？她即耍手擰頭說：「唔好喇！好驚，因為我好渣，對住鏡頭好唔自然。有人搵過我做女強人，但我驚演得唔似會被人笑。」

汪詩詩及汪圓圓前晚齊齊現身，圓圓忙於照顧三個小朋友，一對孖仔現已兩歲，大女則讀幼稚園K2：「我唔喺香港長大，唔知原來香港讀書咁緊張，要周圍問朋友。」詩詩則笑言仔女長大，已忘記如何湊仔：「依家仔女都唔太理我，佢哋都有嘢忙，我又返工，所以好少見，加上我仲要湊住大BB（老公甄子丹）呢。」