參演《法證先鋒IV》 鄭俊弘拍足半年止戲癮

鄭俊弘（Fred）近年專注音樂發展，很久未有拍攝劇集。他昨日到商台宣傳新碟，又透露獲無綫安排拍攝梅小青監製的新劇，據知正是《法證先鋒IV》。

鄭俊弘昨日宣傳新碟《星光》，他透露即將加入劇組，拍攝梅小青的新劇，是否正是《法證先鋒IV》？他笑笑口說︰「聽聞係，因為未講得住，我會飾演斯斯文文嘅專業人士。我第一次拍合拍劇，據講會跟電影嘅拍攝手法，我都好期待。」

帶何雁詩見家長

Fred表示新劇拍攝期長達半年，預計橫跨聖誕及新年，豈非撞正搵真銀的黃金檔期？他說︰「我已經接咗啲倒數工作，除咗嗰幾日出活動，其餘時間都專心拍劇。其實我都好耐無拍劇，都有戲癮。」

提到新碟，他興奮說銷情理想，自己有買碟支持？Fred說︰「點止一隻，我送埋畀屋企人同朋友，家姐下星期返加拿大，幫我拎碟返去。」他表示今年三月於加拿大開騷，不過當時女友何雁詩沒有同行︰「不過我屋企人上次嚟香港，佢哋都有見面。」

撰文︰Pauline

編輯︰李潔盈

美術︰顏玉玲