放假逾一年 田蕊妮開工呻唔慣

田蕊妮（阿田）去年有感工作太忙，沒有時間休息，因此拍完劇集《誇世代》後便向無綫申請長假。近日阿田放完大假投入工作，拍攝綜藝節目又接劇，令她大呼不習慣。

阿田昨日接受新城電台訪問，提到她上月底與老公杜汶澤及朋友一行九人去泰國旅行；之後她趕赴台北拍攝無綫新綜藝節目《女人四十》，行程相當緊密。

讚老公阿澤有心思

阿田笑言完全不慣忙碌生活：「依家係超級忙，可能之前一年放假好悠閒，日常生活太有規律，依家一早出門口開工，好夜先返到屋企，又無得做運動，連隻貓都唔慣，佢有時見我唔喺屋企會發脾氣！」不過她笑言放假期間其實有開工錄音，現在開劇感覺也十分有衝勁。

提到阿田泰國之行實為慶祝41歲生日，旅程更由老公阿澤一手策劃，阿田甜絲絲指雖然阿澤未有再送上驚喜，但老公花盡心思安排每日活動，令大家玩得盡興。她說：「團友對佢呢個導遊兼領隊嘅安排好滿意，佢放假都要安排成個行程，係好周到嘅。」

採訪、攝影︰Pauline

編輯︰李潔盈

美術︰梁政敏