《全民造星》 龍志權有創意夠貼地

ViuTV真人騷《全民造星》參賽者龍志權，因本身為《100毛》員工，早吸納不少粉絲，順利在比賽初段投票中脫穎而出，直入55強；後來憑努力加創意，成功殺入十強︰「我知自己有好多方面都未夠好，盡力做希望大家鍾意！」

龍志權自認能力不及其他參賽者，但勝在有創意，索性每次表演大玩搞笑構思，不但將《17歲》歌詞改成搞笑版本《26歲》，把自身經歷放入表演，非常貼地，獲得評判及網民大讚；又一人大玩男女聲唱出《會過去的》。他說︰「小學到中學都讀男校，唱K時女聲都係自己唱番，就想將呢個情景放上舞台。」

立志做演員

龍志權中學時已立志做演員︰「我覺得人一世無咁多時間體驗人生，做演員就可以體驗多啲。今次參賽係想畀人睇下自己唔同嘅模樣，例如我唱歌原來都ok喎。」他希望透過不同嘗試，發掘更多適合自己的工作。

撰文︰王詠瑤

編輯︰李潔盈

美術︰Simon