開騷憶盧凱彤 林二汶︰佢永遠同我一齊

林二汶前晚在旺角麥花臣場館開騷，在台上特別獻唱兩首歌，悼念今年八月離世的好拍檔盧凱彤（Ellen）。堅強的二汶未有當場灑淚，又承諾無論喜怒哀樂，都會與大家在一起。

前晚二汶獲何韻詩、許廷鏗等圈中好友現身撑場，二汶在台上除了演繹at17及個人作品外，亦唱出《少女的祈禱》等其他歌手的經典金曲。她感性說︰「你哋有無試過認得一個人，唔係認得藝人嗰種，而係明明見到陌生人，但第一眼就認得，我生命中遇過呢啲人，將呢兩首歌送畀佢。」隨後唱出at17的《最難唱的情歌》及solo歌《最幸運的人》，送給已故拍檔盧凱彤。

綵排時情緒崩潰

二汶又特別分享對「成長」的看法︰「我曾幫動畫《玩轉腦朋友》嘅阿樂配音，原本我同阿樂一樣，唔知阿愁做緊乜，但最後終於知何謂悲傷。」又答應粉絲說︰「就算開心唔開心，我都會同大家一齊。」最後唱出《無忘花》及《剎那的烏托邦》作結。

完騷後，二汶接受訪問說︰「以前我開開心心、嘻嘻哈哈，依家長大咗，知道唔開心都唔係咁得人驚，係可以並存。」對於在台上憶起Ellen未有落淚，她坦言︰「因為rehearsal嗰陣已經崩潰咗。」她表示以後所有演出，都是送給Ellen︰「佢永遠都同我一齊，唔會無咗佢。」

撰文︰Steven

編輯︰李潔盈

美術︰顏玉玲