朱茵化老粧：似被山泥活埋

朱茵最近在驚慄電影《古宅》中犧牲美貌，不但和張繼聰飾演母子，還化上特技粧終極變老。朱茵事前需用特製物料塗滿頭部倒模，塑造臉形，當「人皮」製作好後，還要逐層黐在臉上︰「我見過老公一個唱片封套係做類似嘅石膏模，覺得幾得意，但到自己就緊張，因為特製物料要一層一層塗滿整個頭，仲愈來愈重，要搵人幫手托住個頭。」

朱茵形容過程似被山泥活埋︰「真係好驚，好彩身邊工作人員不停講笑話引我，叫我唔好瞓着，否則就要重造。」整個特技粧由準備到完成，一共花了十小時，朱茵還笑言人一世物一世，一定要試下。