《全民造星》 姜濤拖完女仔無下文

ViuTV節目《全民造星》最後十強，昨日在節目監製黃慧君（花姐）帶領下到商台接受訪問，人氣最旺的姜濤曾被質疑整容及拍拖，昨日首度為是非解畫。

十位成員姜濤、肥仔、Ian、Lokman、細貓、Edan、龍志權、Jeremy、Anson Kong及Stanley，昨日宣傳下月14日舉行的總決賽，屆時周慧敏及劉偉強會擔任評判。花姐透露已向公司提議，將參賽者組成男團︰「類似日本SMAP咁，一班人可以綜藝、唱歌同拍戲。」她亦否認內定冠軍傳聞，又表示睇好Lokman和Ian。

另外，被傳整容「變臉」的姜濤，讓花姐與Anson狂篤鼻及下巴「驗明正身」，他說︰「只係肥同瘦有變化，大家可以摸我塊面。」他曾自爆是處男，但網上流傳他拖女仔的照片，他解釋︰「啲相係讀緊書時影，我有少少鍾意個女仔，朋友起哄話個女仔都鍾意我，就拖咗手。但個女仔同我講只係玩下，無咗下文。」

撰文︰倪小珊

編輯︰李潔盈

美術︰梁政敏