孖森美拍動作戲 翠如靠替身飛落街

森美與黃翠如昨日到將軍澳電視城出席新劇《過街英雄》拜神，首次做男主角的森美，與翠如在劇中應付不少動作場面，兩人本身沒有武功底子，直認多得替身相助，才不至於撻到「攤攤腰」！

森美笑言今次的戲份是他拍劇以來最多的一次，但他說︰「不過唔算辛苦，因為翠如戲份多過我，我今日（昨日）係睇翠如開工，我可以收工先！」翠如解釋因為森美早上要回電台主持節目，所以早班通告就由她頂上。

森美與翠如有不少動作戲，翠如透露已拍攝由二樓飛落街的場面，問她可有受傷？她笑說：「我左邊身好痛，其實有用替身，我唔講大話㗎！」森美則表示早前拍攝時，要用以手擋木凳，但木屑卻飛進翠如眼睛，翠如說：「我無捽眼，起初少少痛同視力模糊，後來都無嘢，隻眼仲大咗！」森美雖然亦有受傷，但獲武術指導讚賞，令他得戚說：「武指話唔使做得太好，否則替身無工開。」

撰文︰Pauline

編輯︰李潔盈

美術︰梁政敏