周潤發做畫家勁緊張

周潤發及郭富城主演、莊文強執導的新片《無雙》將於10月4日上映，發哥在電影中飾演畫家，讓他過足戲癮：「戲中我嘅角色係城城嘅監護人同老師，係我從來未演過嘅角色，好特別，發揮空間好大，演每一場都好戰戰兢兢。」提到跟莊文強合作，發哥表示自從對方編劇的成名作《無間道》後，便十分留意他的作品：「我崇拜咗佢好耐！」

發哥在戲中有不少動作場面，他保證效果跟以往絕不一樣：「80年代嘅動作片，我都演繹過揸槍動作，但今次動作將會帶畀觀眾一個『唔同嘅周潤發』。」