揀亞姐心水 體操王子阮馬素睇中張靜茵

德國體操男神阮馬素（Marcel Nguyen）及前澳門小姐麥嘉欣，昨日偕九位候選亞洲小姐香港賽區佳麗，出席健身中心開幕活動，阮馬素即場在佳麗中挑選三甲人選，結果他睇中3號張靜茵，大讚對方有冠軍相。

剛度過31歲的阮馬素，昨日西裝骨骨出席活動，提到他剛好避過超強颱風「山竹」，他表示自己十分幸運，航班亦沒有延誤，今次會留港三日。不過他表示今次來港出席活動，私人時間不多，但希望能夠抽空外出，品嘗香港地道美食；他又透露回國後便要專心訓練，準備比賽。

昨日阮馬素應大會邀請，在一眾亞姐候選佳麗中挑選心水三甲，結果阮馬素「情有獨鍾」，只選了3號張靜茵。事後他笑言自己第一次見佳麗，其他難以評論︰「我自己看女生，是看她們整體，因為我本身是運動員，所以覺得運動型女生較適合自己，可以跟我分享生活態度。」

而張靜茵坦言被男神揀中十分開心，信心更大增︰「我覺得自己笑容最吸引，面對傳媒亦輕鬆啲。」她透露自己屬鋼琴演奏級，所以比賽時才藝表演會彈鋼琴。

麥嘉欣澳門屋企頂得住

同場的麥嘉欣家在澳門，前日感受到「山竹」的強大威力︰「雖然我屋企唔係高樓層，但都感受到搖晃，搖到杯水都震！舊年『天鴿』太勁，所以換咗新窗，好彩今次頂得住。」

撰文︰Pauline

編輯︰李潔盈

美術︰梁政敏