小朋友品德的養成，有賴家中長輩的教育。有女網民在網上討論區以「今日學識咗一句可以用嚟做免死金牌嘅說話」為題發文，指日前下午經過港鐵站大堂，有位小朋友拎住飯盒跑來跑去並把她撞到，令其褲上濺滿餸汁。然而，小朋友及同行伯伯未有道歉，伯伯更表示「唔係同小朋友計較呀」，令她不禁氣憤地稱：「小朋友大晒咩！」
小朋友與伯伯疑似玩「捉伊因」
樓主表示，該名小朋友疑似與伯伯在地鐵站玩「捉伊因」，「我已經左閃右避，但係個港孩都撞咗埋我度，倒到我成條褲都係餸汁」。當她仍在發呆時，伯伯「已經嚟料」反斥「 小姐，你行路唔帶眼嘅」，她於是回答道：「 吓，我已經嘗試避開，但係你個小朋友自己撞埋嚟喎。我成條褲污糟晒。」未料，對方竟然反駁：「人哋係小朋友，你唔係同佢計較呀？」
小朋友不願道歉
樓主續指，小朋友此時已在閘機下面爬入閘，伯伯扮去追他而走開，惟臨走前仲要加多句「依家啲後生」，「聽到呢句真係火都嚟，忍唔住勁大聲話：『點都好過依家啲港孩，撞完人整污糟人地條褲都可以就咁走咗去！』」二人爭吵引起途人圍觀，而小朋友可能見風頭火勢，爬出閘攬實伯伯對腳，伯伯只好悔氣地說：「姐姐話你唔小心撞到佢喎，同姐姐道歉啦。」不過，小朋友並無理會。
「小朋友大晒咩！得罪講句，十個港孩有九個都係廢老縱出嚟。」樓主認為，如果不對小朋友加以教導，任由他們橫行霸道，長大後也會有問題。
網民：細個唔教大咗點教
此事引來大批網民熱議，不少人留言撐樓主，「細個唔教，大咗你點教」、「一啲禮貌都無」、「自己唔管好個細路仲鬧人」、「啱，我唔會同個小朋友計較，但會同教到佢咁嘅家長計較囉」。另有網民分享遇上「怪獸家長」及「港孩」的經歷，「我之前都試過搭鐵個時俾個細路女係咁踢，佢老豆就扮晒嘢咁話佢2句」、「有啲細路好鍾意踩張櫈，跳嚟跳去，啲阿爸阿媽又係唔X理」。唔知大家又有冇遇過呢？
圖片來源：網上圖片