日本風災 羅力威雨僑撲機票返港

超強颱風「飛燕」吹襲日本關西，導致關西國際機場因嚴重水浸關閉，藝人雨僑與老公羅力威、古巨基夫婦及徐天佑夫婦分別被困大阪及京都，眾人昨日急急撲機票，希望改由其他機場飛返港，十分狼狽。

雨僑和羅力威滯留大阪多天後，終搵到「出路」，因原定班機仍未有最新指示，所以他們自行訂了明日由宮崎飛返香港的航班。雨僑說︰「當地情況好亂，公共交通工具都無位，車都驚租唔到，惟有改飛宮崎離開。東京、福岡、名古屋機位排到10幾號，票價升到萬幾蚊一張，同買劉德華演唱會飛一樣，一票難求！」幸好他們撲到內陸機票往宮崎，停留一日便可返港，雨僑說︰「總算鬆一口氣，不過今次十足走難一樣！」

同樣滯留大阪的古巨基前晚在IG留言︰「來報個平安，各位不用擔心！」被困京都的徐天佑則貼相說︰「要轉去第二個機場返香港，留多幾日周圍行下。」

撰文︰倪小珊

編輯︰李潔盈

美術︰顏玉玲