家中誕7磅14安士B仔 湊成「好」字 鍾嘉欣：好難忘的經歷

34歲的鍾嘉欣（Linda）昨午Po相宣布已在加拿大誕下7磅多重囝囝，原來她是選擇在溫哥華的家中自然分娩，又直指生產時「好痛」，卻是難忘經歷。很多粉絲及圈中好友齊聲送上恭喜，有人亦羨慕女神如今一家四口超幸福！

兩年前誕下囡囡Kelly的鍾嘉欣，上月尾曾傳出再做媽媽，但她一直未有正面回應，近日只在社交網宣傳有份客串的新劇《再創世紀》。不過，昨午她終於在社交網Po相向各界報喜，原來她已誕下7磅14安士重的囝囝Jared Anthony Leung，成功為脊醫老公Jeremy湊夠一個「好」字。

感激助產士支援

Linda更首度嘗試在寓所自然分娩，令外界意想不到。昨日她回應傳媒時稱囝囝算是一個大B，兼且有好多好多頭髮，樣子似足大女Kelly。她又說︰「全家講笑話今次生龍鳳胎一樣，兩個好似樣。」並透露今次屬順產︰「生產過程順利，雖然真係好痛！好痛！」

對於選擇在家自然分娩，Linda指這種風氣在加拿大很盛行︰「好幸運我有一班好專業嘅助產士，畀到情緒上支持，又指導我如何有技巧去生！」她又透露與老公商量後才作出此決定，Linda並說︰「今次係一個好難忘嘅經歷，同個仔一齊、同我嘅Family一齊。」Linda現時正在坐月中，她直言會照顧好囝囝及大女︰「我要放多些時間在Kelly身上，確保她OK，希望好快介紹囝囝畀大家識！」

此外，多位無綫花旦包括胡定欣、陳敏之、黃智雯等紛紛在IG留言恭喜，楊怡更稱︰「急不及待看看你的小王子。」至於粉絲亦喜見偶像的前世情人得意又可愛，認為BB長大後必屬大帥哥！

撰文︰Steven、Pat

協力︰阿瑤

編輯︰黃寶恩

美術︰梁政敏