Kay:讚麥浚龍勁搞笑 男人幽默好重要

謝安琪（Kay）與老闆麥浚龍（Juno）昨日出席運動品牌活動，Kay大爆平時Cool爆的Juno私下相當有幽默感，更大膽為他改花名「幽默浚龍」，她說完也忍不住在台上掩面大笑。

謝安琪昨日在台上為麥浚龍改花名，及後受訪時說：「Juno私下其實好幽默，唔係大家想像咁Cool，男人都應該要有幽默感！」問到老公張繼聰與Juno誰更搞笑？她說：「佢哋風格唔同，Juno嗰啲係冷笑話，張生係比較多肢體動作，大家都咁搞笑。」

Kay與Juno於15年合唱《羅生門》大受好評，二人正合作一張新專輯，用歌曲串連一段糾纏一生的愛情故事，他們分別飾演主角董折及蒲銘心。提到前作《羅生門》唱到街知巷聞，Juno表示今次合作不會有壓力：「今次製作模式好少見，用音樂、文字同影像講故仔，同上次好唔同，亦有人提議拍成電影。」

尊重兒子私隱

另外，Kay的11歲兒子張瞻已經開學，她表示要尊重囝囝私隱：「佢今年升中一，開始大個仔。唔想因為自己嘅工作，令佢多咗好多目光同壓力，所以會盡量少講佢嘅嘢，畀啲空間佢。」她與阿聰對育兒甚有共識，不會有意見分歧。

採訪︰Pauline

編輯︰李潔盈

美術︰梁政敏