梁漢文額頭留疤 乘機擴闊戲路

梁漢文（Edmond）前晚在灣仔伊館出席《代代傳承博愛心慈善音樂會》，Edmond早前因誤撞枱角而受傷，額上留有一道疤痕，他笑言將來拍電影時，可以乘機開拓戲路。

Edmond說︰「之前一直唔可以做運動，近兩星期做番運動，疤痕竟然變得紅咗又好明顯，（會考慮整容嗎？）暫時未打算去整容，等半年睇睇情況，小心處理應該可以，（可以演黑社會？）可以拉闊我嘅戲路，又唔錯喎！」

提到好友任賢齊為拍戲增肥，導致出現「三高」情況，更有脂肪肝，Edmond說︰「你話搵食幾難！我見過佢，佢大幅度增肥，之後又要好快減，我都擔心佢。同埋每次佢演唱會上台都會解釋，唔想啲人以為佢無keep。不過相信佢好鍾意呢個角色先會咁搏命。」那Edmond最近又可見過陳奕迅？他笑言︰「呢排無見過，佢係咪瘦咗好多?（少少啦！）咁非常之好，佢話要減好多年，係的唔起心肝啫，可能飛得太多，依家多啲時間喺香港可以keep番。」

撰文︰Pauline

編輯︰黃卉彤

美術︰梁政敏

攝影︰林良明