傳胡定欣離巢 李佳芯︰爭視后無影響

李佳芯（Ali）與岑麗香昨日出席體能挑戰障礙賽，盛傳兩屆視后胡定欣有意約滿後離巢，似乎有利備受力捧的李佳芯爭視后，但她表示兩者沒有關係。

李佳芯（Ali）與岑麗香（香香）昨日齊齊穿短褲騷長腿，相當吸睛。有傳胡定欣兩年後約滿便會外闖，早前在《BB來了》演技獲好評的Ali豈非更多機會？Ali自言去年才跟公司續約，合約尚有多年，但她認為公司一直開劇，加上各同事皆有機會參與不同演出：「我無諗過人哋對自己有咩影響。（贏視后機會增？）獎項係睇一年表現，唔代表一直喺公司就有得攞，最緊要做好自己。」

Ali昨日在障礙賽表現拼搏，她笑言小時候經過郊野公園，更會大膽嘗試玩繩網、高低槓及平衡木等：「我覺得好刺激，最鍾意玩攀爬架。我都有試過跌落地，但細個唔識驚，加上有軟膠墊，所似無乜事。」她自認性格男仔頭又豪爽，但絕不粗魯。

香香增肥造人

同場的香香約滿無綫後返加拿大休息，最近投入工作，提到她比之前更瘦，她笑說：「我應肥則肥，我無刻意減肥，可能做咗好多運動。老公成日話我瘦，我有努力食嘢。」問她是否想增肥造人？她說：「唔止呢樣，可以令個樣肥美啲，被人搣下面珠。」她坦言正在努力造人，又說：「總之順其自然，呢排無咁大壓力，多咗時間煮嘢食，身體健康啲。」

有傳好姊妹鍾嘉欣已誕下第二胎，香香封嘴說：「我知都話唔知，我對住鏡練咗100句『唔知道』，等當事人公布啦！」

撰文︰Pauline

編輯：李潔盈

美術：梁政敏