張智霖想60歲前抱孫

張智霖（Chilam）和陳慧琳（Kelly）昨日到銅鑼灣出席月餅活動，話題離不開家庭與孩子，Kelly計劃中秋節在家中露營，Chilam則笑言想囝囝張慕童（魔童）夠18歲便快快結婚生仔，自己可以弄孫為樂。

Chilam表示父母早前從澳洲回港，將逗留至中秋，所以今年會是首次三代同堂度佳節。此外，大會安排兩個小女孩與他們同台，Chilam被問到會否計劃追個女？他笑言︰「唔使，玩人哋嗰啲好，依家阿仔11歲，等佢18歲後生個孫畀我湊，永遠有個10歲以下嘅小朋友喺身邊會好幸福同有活力，（你個仔會咁早結婚？）佢一定唔肯，哈哈。」一向擁有童顏的Chilam如此恨抱孫，是否想做年輕爺爺？他笑言自己到時50幾歲，別人會以為他是孫兒的哥哥。

Kelly為囝囝檢查功課

至於Kelly原本相約幾個家庭在中秋節出外露營，但因近日常下雨，加上登革熱個案，她決定將露營地點移師到家中︰「一家人喺客廳露營，只要熄咗Wifi，就可以專心賞月。」兩個仔已開學，Kelly忙於為他們檢查功課，對於謝安琪自爆與11歲囝囝共浴並灌輸性教育，Kelly說兩個囝囝會自己沖涼，「依家佢哋對性方面未好奇，到好奇時由Daddy講，佢哋乜都傾，唔會尷尬。」

採訪︰Pauline

編輯︰黃卉彤

美術︰梁政敏