獲頒世界傑出華人 古天樂緊張︰要對得住個獎

古天樂（古仔）昨日出席灣仔會展舉行的「第十六屆世界傑出華人獎」頒獎典禮，古仔獲頒發世界傑出華人獎項，以表揚他在演藝界的成就，以及對公益事務的貢獻。

古仔獲楊受成及許冠文頒發榮譽獎座，他全程表現拘謹，事後坦言覺得獎項很有意義，令他十分緊張。問他下個目標是否獲頒授博士榮銜？他笑說︰「無諗太多，最緊要做自己認為要做嘅事，得到呢個獎係喜出望外，最緊要對得住個獎啦。」一向低調行善的他，盛傳已在內地興建第100間學校，他只說︰「我唔回應，自己有能力就盡量幫人。」

問到古仔如何慶祝？他直言︰「我一陣仲要開工，因為呢個禮拜《犯罪現場》會煞青，之前已經連續幾晚拍通宵戲，真係好攰！」

他還自爆農曆七月十四當天，更去亂葬崗拍戲，幸好拍攝過程順利。他講笑說︰「以前去親郊外拍戲都會提出燒嘢食，不過今次就無，點知會唔會多咗人一齊食！」

採訪︰Pauline

編輯︰李潔盈

美術︰招潤洪