曾合演《偶然．徐志摩》 羅敏莊對黃嘉威涉案感震驚

陳國邦、羅敏莊（Mimi）昨日到商台受訪，談到近年在舞台劇界冒起的導演及演員黃嘉威，被控非禮未成年少女及製作兒童色情物品，目前還押看管，Mimi跟對方合演過舞台劇《偶然．徐志摩》，她坦言對事件感到心痛。

羅敏莊認為食素的黃嘉威是一個正直的人，因此對事件感震驚︰「我喺舞台劇識佢，佢係出色導演同演員……身為一個朋友真係接受唔到，但老公就話其實人有好多面，叫我睇開啲。」身旁的阿邦表示︰「所有事都唔可以得一面去睇，我哋演員都演好多表裏不同嘅角色。」

兩夫婦在電台接受好友麥長青主持的節目訪問，期間大談育兒經。問到Mimi在泰國置業，有否帶囡囡陳禛「回鄉」？她笑言︰「有呀，不過爸爸因為拍嘢無得一齊去。（陳禛掛住Daddy？）咁又無喎！」

阿邦指囡囡黐媽咪

Mimi踢爆通常係阿邦追住囡囡，但女兒唔騷爸爸。阿邦笑言︰「無論點我都鍾意你（囡囡）！有時佢都會講掛住我，但對媽咪係真心嘅，對我講只係安慰。」麥包深表認同，更笑說︰「我個女會送父親節卡，跟住講多句因為怕我無嘢Po上IG！」

採訪︰Pauline

編輯︰陳禮恒

美術︰梁政敏

攝影︰林良明