宇宙最強父女 甄子丹批准囡囡入行

甄子丹監製兼主演的新片《大師兄》前晚舉行保良局慈善首映禮，孖住太太汪詩詩現身的子丹，大讚現年14歲的囡囡甄濟如（Jasmine）有演藝天份，若不入娛樂圈發展，便會浪費女兒的天賦。

新片《大師兄》講及香港教育制度，甄子丹笑言懷念學生時代的生活，不過自己當年無心向學。他說：「好彩三個仔女都鍾意讀書，大仔成績最叻，而唱歌跳舞梗係囡囡，佢好有個人風格，細仔就聰明頑皮。」

子丹大讚囡囡天生食娛樂圈飯，但卻表示暫不會安排女兒拍戲，他說：「我好公平，喺片場對個個都咁嚴厲，但我唔捨得鬧個女。」

另外，提到現時內地拍電影所繳稅項大幅增加，演員片酬也限制至最高5,000萬人民幣，子丹說：「電影業同各行業一樣，演員多勞多得，做得多咪交多啲稅。」

片酬透明度高

他認為政策只是針對不用心拍戲的同業：「我（片酬）透明度高，同大公司合作，每部戲我都唔同崗位。」他認為片商不能因給予演員高片酬，而縮減其他製作費。

撰文︰Pauline

編輯︰李潔盈

美術︰梁政敏