《逆流大叔》口碑好 吳鎮宇︰唔想畀人笑無香港電影

由吳鎮宇、胡子彤、黃德斌、余香凝主演的電影《逆流大叔》上映一周，觀眾反應不俗，一眾演員連日先後到多間戲院謝票，前晚四位演員及導演陳詠燊到尖沙咀謝票，鎮宇笑言續集可開拍《逆流大嬸》！

電影贏盡口碑，身為男主角的鎮宇表現興奮，表示雖然電影暫未安排在內地上映，但獲內地網站大讚是今年最佳港產片。他說︰「唔好成日畀人話無港產片，我哋幕前幕後同心協力交畀院綫，院綫都幫下手，難得內地網站都讚呢部戲可能係今年最好睇，我哋又唔會畀錢佢哋宣傳，希望遲啲可以引進返內地上映就好喇！」

同場的胡子彤表示睇戲時，發現每逢黃德斌出場時，觀眾反應最好，他大讚德斌說︰「如果到咁嘅年紀，都希望以德斌嘅身形為目標。」至於德斌被要求送抱抱答謝女觀眾，他笑說︰「抱抱啫，又唔係泡泡浴！（獻吻？）女人送就啱啲。」而余香凝自爆拍攝時，不時會跟同場男演員大講男人話題，胡子彤聞言說：「我哋講嘅唔出得街，成班講麻甩佬嘢。」

黃德斌入紙娶女友

另外，現年55歲的德斌與39歲女友黃美恩，日前入紙申請結婚，他表示一直有計劃給女友名份，亦已準備了戒指求婚，但不打算鋪張擺酒，只會兩家人一起食飯慶祝。

採訪︰Pauline

編輯︰李潔盈

美術︰梁政敏