舊愛張馨予嫁內地軍官 吳卓羲呻無時間識女仔

吳卓羲（Ron）、劉心悠及廖啟智等，前日在炎熱天氣下到旺角女人街拍攝新戲《再見•女人街》，心悠的造型似「盜墓者羅拉」，可惜她非常「黑仔」，開工不久已扭傷腳。而阿Ron則大方祝福舊愛張馨予新婚之喜。

張馨予日前宣布婚訊，閃嫁內地特工何捷，並在微博上載多張甜蜜婚照。吳卓羲談到舊愛出嫁，亦大方送上祝福。當他獲悉新郎哥是軍官，即笑言︰「我都係警察！總之祝福她。」再追問他的感情狀況時，Ron直言工作排到明年，根本沒時間識女仔，但難得有工作及搵錢機會，還是先投入工作。

劉心悠跑戲受傷

吳卓羲、劉心悠前日在女人街拍攝追逐場面，Ron一手拖着心悠拼命地跑，心悠忘了拉筋兼跑得唔夠快，結果拉傷腳部，到夜晚拍攝時仍隱隱作痛。她表示︰「今日已經由中午12時開始拍，我最擔心拍攝時跛下跛下。（收工去睇醫生？）我諗冰敷就ok。」她強調不是Ron弄傷她，而且對方也關心她的傷勢。記者笑稱可以考慮Ron做男友？心悠即帶笑婉拒︰「無可能！」

Ron表示會避免讓心悠再受傷，他解釋︰「唔係我整親佢㗎！好彩拍一次就OK，始終呢度又熱又多人，不過檔主好合作，拍攝尚算順利。」飾演古惑仔的他，跟心悠在戲中有感情綫，但二人沒有親熱戲，Ron笑謂有得拖手已經好開心。

採訪︰Pauline

編輯︰陳禮恒

美術︰梁政敏

攝影︰林良明