Punk頭「紋身」拍新劇 龔嘉欣剷青眼濕濕

黎耀祥、陳豪、李佳芯（Ali）、江美儀及龔嘉欣等昨日出席新劇《殺手》造型暨開鏡拜神儀式，眾人以破格Look現身，尤其龔嘉欣和李佳芯的造型令人眼前一亮。扮演殺手的嘉欣犧牲女神形象，剷青染髮加假紋身示人，她笑言造型太突破，到現在仍然未慣。

龔嘉欣昨日穿上露腰低胸裝，露出手臂及玉背的假紋身，她坦言仍未接受剷青髮型︰「剪頭髮嗰陣以為自己會喊，但都只係眼濕濕。我依家單身，睇嚟呢個造型，會令我再單身多一段時間。」她在劇中會親身演出動作戲，更會專門攻擊男人下身，她笑說︰「我同黎耀祥最多對手戲，所以佢好驚我，到時都驚唔小心踢親佢。」嘉欣表示劇中會有更多性感造型，需要「僭建」上圍︰「我同祥哥有親密接觸，佢會摸到我身體。」

江美儀向鳳姐取經

在新劇飾演妓女的江美儀，則以粉紅俏護士造型亮相︰「今次勁過『黑絲』，係入行以嚟最多造型嘅一次。」為演好妓女角色，她事前專程拜訪真正的「鳳姐」取經︰「今次我做阿伯殺手，原來現實中幫襯妓女嘅唔止阿伯，仲有好多斯文後生仔。」

而陳豪與李佳芯（Ali）在劇中飾演鬥氣冤家，陳豪飾演百發百中的狙擊手，因要應付不少動作場面，他花兩個月時間練習拳腳及埋身肉搏功夫；Ali則以師奶造型現身，不但育有一位11歲的兒子，更會協助陳豪殺人。

撰文︰Pauline

編輯︰李潔盈

美術︰梁政敏