吳國敬寫歌靈感來自女友

吳國敬前晚在旺角舉行演唱會，大唱他創作的經典歌曲《對你太在乎》、《越吻越傷心》等。阿敬在騷後笑說：「我做咗好多運動，體能好咗好多，以前好快無氣，依家段段都有氣唱。」他坦言只作歌給其他歌手，收入不算可觀：「幕前人收入好好多，所以我想以創作人身分搵老婆本，今次我嘅衫、形象、化粧都係女友幫我搞，無咗佢我唔知點算。我要努力搵錢，令佢開開心心，我寫歌嘅靈感都係來自我Darling。」