梁洛施約Sammi舒淇歡度女人之夜 花生友︰六個女人兩個墟

梁洛施（Isabella）自從宣布復出娛樂圈後，開始活躍於社交平台；前晚她上載跟鄭秀文（Sammi）、舒淇及經理人Kim等一班好友聚會，雖然Isabella沒帶囝囝出席，但笑指他吃了「誠實豆沙包」，因他大讚相中的Sammi姐姐好型，舒淇姐姐夠靚女。而粉絲們就調侃這次「女人之夜」肯定嘈到拆天，開心滿Fun。

梁洛施最近不時在社交平台上載相片，與粉絲們分享生活點滴，而上周她出席美容活動，吸引大批傳媒採訪，其曝光率有升無減。前晚，Isabella一口氣上載三張相片到IG，原來她相約了Sammi、舒淇、馬詩慧（Janet）及其女兒，齊到經理人Kim家中飯聚。Isabella在網上留言，指她出發去飯局前，囝囝問她跟誰人吃飯？她跟囝囝表示其中一位Auntie Janet是Super Model，又表示︰「我先畀Sammi張相佢睇，我問佢媽咪型啲定係Sammi姐姐型啲，佢話Sammi姐姐型啲……跟住我問舒淇姐姐靚啲定係媽咪靚啲，佢一見到張相，第一個反應係WOW，『舒淇姐姐靚啲！』最後我同囝囝講媽咪覺得你好乖，你好誠實，你要keep住咁樣知唔知道！真係畀佢激死。」

粉絲希望促成合作

相中眾人均素顏赴會，又大玩P圖Po相，玩得不亦樂乎，難怪Sammi在Isabella的IG留言︰「Happy night！Really relax and enjoy！！」正所謂三個女人一個墟，不少粉絲笑言她們六個女人兩個墟，相信那晚一定嘈到拆天；亦有粉絲追問Isabella、Sammi及舒淇三人難得聚頭，可會有合作大計？期待她們合演一齣好戲。

撰文︰Pat

協力︰Jennie

編輯︰陳禮恒

美術︰梁政敏