【聲明】港生活網站並無進行電話推廣活動

《掃毒2》搭建中環站 劉華試過戴口罩坐港鐵

發佈時間: 2018/07/23

劉德華、古天樂繼02年賀歲片《嚦咕嚦咕新年財》後久未合作,兩大影帝近日在拍攝中新作《掃毒2天地對決》再度碰頭。

身兼《掃毒2》監製的劉德華,昨日與古天樂、苗僑偉及周秀娜等,現身啟德郵輪旁、斥資過千萬元搭建的中環港鐵站場景內。劉華與古仔在戲中既是壞人,又是好兄弟,華仔稱︰「我哋喺戲入面有兄弟情。電影開頭我會紮髻,駁髮都駁咗四日,我爸爸問我係咪拍緊古裝。」古仔的造型亦落足心思,他表示︰「我就長頭髮,有鬚同身體有缺陷。」

問他們有幾耐沒搭過港鐵?古仔直言已十多廿年沒坐過,更笑指自己想坐都唔識路。而華仔就自爆試過趕時間,會戴住口罩搭港鐵過海,身旁的苗僑偉即插嘴說︰「你帶埋個女去搭地鐵囉!」華仔扮惡回應︰「你多事啦!」有人提議三哥帶華仔女兒搭港鐵,三哥笑謂︰「佢會斬死我,佢個女係唔會離手㗎。」

4顆「藝人小行星」

日前出版的《小行星通告》新增其中四顆行星,以劉德華、古天樂、梅艷芳及張國榮的名字命名。華仔笑言︰「其實呢啲星星多過人,係人都可以有自己粒星星。」古仔說將來可跟下一代分享這件事。

撰文︰倪小珊

編輯︰陳禮恒

美術︰招潤洪