紅館騷加至3場 Supper Moment搬梳化陪歌迷買飛

樂隊Supper Moment昨日舉行記者會，原定於今年11月1至2日假紅館開騷，主辦單位即場宣布加開11月3日一場，Supper Moment異口同聲表示對加場感到十分夢幻。

昨日記招上，Supper Moment坦言最初擔心門票銷售情況，但當得悉可以加開一場後，眾人均表現興奮。他們表示︰「朋友都叫我哋唔使擔心，依家真係好夢幻，本來大會想我哋加兩場，但我哋驚日場夜短、夜長夢多，總之來日方長，實有機會。」

至於過往表演時都喜歡玩「插水」的主音Sunny，笑言到時要看觀眾反應才考慮會否這樣做，他又透露樂隊眾人現時已開始積極健身，可會乘機騷腹肌？Sunny笑言︰「基於我係唔係操肌都會除衫的，所以到時要視乎場地冷氣同現場氣氛而決定。」至於鼓手阿達表示︰「睇反應啦，到時騷16嚿腹肌，每人至少兩嚿。」

真係有南亞裔歌迷

個唱門票明天才公開發售，但有歌迷日前已在售票處門外通宵排隊，Supper Moment貼心表示︰「我哋之前一晚搬張梳化去陪佢哋，不過都勸歌迷早啲排隊，起碼開賣時係先落喺自己人手上。」至於他們是否有南亞裔歌迷？鼓手阿達直言︰「真係有，可能我皮膚比較黑，佢哋特別鍾意我。」

撰文︰倪小珊

編輯︰李潔盈

美術︰梁政敏