玩直播疑似走光露點 麥明詩強調已打底

麥明詩（Louisa）、馮盈盈、關楚耀及JW等前晚趁DSE放榜前到觀塘為考生打氣，當年會考成為十優狀元的Louisa明白考試壓力很大。馮盈盈就回憶當年放榜前夕唱K減壓，又指人生有很多可能性。

Louisa雖沒有經歷DSE，但她表示現在學生壓力很大︰「會考同高考合埋一齊，相信壓力更大，其實一次考試唔代表咩，最緊要係一生無窮努力，要有開心人生，考試成績同將來成就唔一定成正比。」

談到她早前直播鋼琴演奏時疑似胸前走光，惹來大批網友留言，之後她在網上發表長文，字裏行間似乎相當激動，Louisa解釋︰「只係有少少感觸，將一直想講嘅說話講出嚟，我想平時Casual啲，但偏偏觀眾會將細微位放大。其實我睇過條片好多次，畫質好矇，睇唔到啲咩。（之後會密實啲？）都係一種提醒。」

馮盈盈如願摘星

至於馮盈盈原來是第一屆DSE考生，當年放榜前一晚她跟同學通宵唱K，笑言唱跟「星星」有關的歌，希望考試可得到更多星及能夠升讀心儀大學，最終成功考獲四科5星、一科5星星的優異成績。

提到港大師妹Jacqueline參與港姐首輪面試，但似乎未能晉級，盈盈承認與對方認識，並謂如果她真的落選會傳短訊予以安慰。她笑言︰「我都係勵志故事，我咁嘅樣都選到冠軍，都算養到家喎！」

撰文︰Pauline

編輯︰黃卉彤

美術︰梁政敏