黎瑞恩世姪女港姐複試 Tiffany獲教路：要淡定啲

一年一度港姐競選將於下月舉行，昨日進行第二輪面試，被喻為「翻版後藤久美子」兼黎瑞恩世姪女的吳天兒（Tiffany）及香港大學犯罪學碩士陳筠婷（Coco）等均現身見評判。

昨早9時，近70位候選佳麗陸續現身無綫見評判，大部分佳麗均以性感連身裙及透視裝亮相，務求令評判留下深刻印象。一如外界所料，22歲的Tiffany順利進入第二輪面試，她昨日面對傳媒時笑容滿臉表示︰「我對自己有信心，上帝有預備。」對於被指樣貌似後藤久美子，Tiffany謙稱︰「真係誇獎，佢係日本國民美少女，我高攀唔起。」皮膚黝黑的她，透露早前去過泰國做義工一年，負責教山區小朋友英文，她說︰「我唔知呢啲係咪優勢，做自己就OK。」

CoCo唔介意被批「大番薯」

今年高學歷佳麗不少，如犯罪學碩士陳筠婷（Coco）說︰「無諗過可以入到第二輪，因為其他女仔身材好，我只係唔小心『碌』咗入嚟。」她笑言有看網民對自己的評價︰「有網民話我似曾志偉同大番薯，我覺得好可愛。」現年19歲、就讀北京舞蹈學院3年級的「章子怡師妹」姚羽嘉，談到上次面試時跳舞甫士被彈「騎呢」，她說︰「我未睇，但過埋今次會去睇下。」不過昨晚傳出她因合約問題而退選。

撰文︰倪小珊

編輯︰李潔盈

美術︰梁政敏