留待紅館騷請霆鋒做嘉賓 陳潔靈︰由細睇到佢大

陳潔靈將於下月在演藝學院舉行個人演唱會，昨日她到土瓜灣進行綵排，相隔24年再開個人騷，她不惜尋回當年紅館個唱海報出來。對於可以在演藝學院演出，她希望能夠讓觀眾看到整個過程，還有不斷變化帶來驚喜。

陳潔靈將會為今次個唱兼任監製，親力親為兼顧個唱流程等工作，連鼓手房都由外國訂造︰「貴過劏房㗎，要四千幾美元。」身兼多職，她說不覺得辛苦，反而讓自己多一個學習機會。今次將會夥拍舊戰友及新合作夥伴聯手演出，問到可有嘉賓？她說留待下次有機會紅館演出才邀請嘉賓，「到時可以搵學友等等嚟唱，又可以搵謝霆鋒，由細睇到佢大，又可以搵學生來唱啦，整個學生大巡禮都得。」

海報合眼有特別意思

陳潔靈在綵排中唱出《今晚夜》及梅艷芳的《蔓珠莎華》，並展示24年前的宣傳海報及今次個唱的海報，她透露兩張海報都由同一位攝影師操刀，覺得有異曲同工的感覺。問到兩張海報的她為何都合上眼？她解釋︰「就係去到演唱會先張開眼，用自己嘅心迎接世界。」

撰文︰Pauline

編輯：黃卉彤

美術：梁政敏