新劇多激情戲 陳展鵬惹譚俊彥妒忌

無綫新劇《天命》前晚舉行首播活動，一眾主角陳展鵬、譚俊彥及唐詩詠等現身造勢。扮演皇帝的譚俊彥大爆陳展鵬在劇中艷福無邊，愛情綫相當激烈；展鵬即搞笑回應，自言激情戲都是跟男演員合演。

提到《天命》對撼世界杯，展鵬坦言︰「都幾難搞，不過只要係好作品，觀眾就會睇。」展鵬在劇中跟唐詩詠、姚子羚及李施嬅都有感情綫，他笑說︰「我都係第一次，不過我啲激情戲都係同男演員，同女演員嘅係甜蜜。」身旁的譚俊彥自嘲身邊只得太監，問他若拍激情戲，是否要太太批准？他說：「老婆無得唔畀，不過佢都係藝人，佢話我做幾多，佢會十倍奉還畀我！」

另外，有傳陳展鵬跟同劇的袁文傑不和，他笑說：「都係時候，我咁悶，都要有啲新聞畀我回應下，我同傑仔盡在不言中，佢只係有事嚟唔到宣傳。不過同男人傳不和，好過同女人。」

唐詩詠預告無肚兜睇

同場的唐詩詠在劇中飾演陳展鵬的紅顏知己，她笑說：「我哋啲場口好甜蜜，不過古裝唔會太激情，亦唔會有肚兜。我哋啲場口在乎心意，會用含蓄方式表達。」李施嬅則透露，計劃跟好姊妹姚子羚和胡蓓蔚，去東南亞展開洗滌心靈之旅。

撰文︰Pauline

編輯︰李潔盈

美術︰梁政敏