暫代老公經理人 嘉玲游說偉仔演舞台劇

梁朝偉上星期宣布與經理人公司澤東結束逾廿年合作關係，回復自由身的他暫託老婆劉嘉玲代為接洽工作。嘉玲昨日現身商台時，雖強調自己只是偉仔聯絡人，不過她笑言十分了解老公性格，做經理人相當勝任。

劉嘉玲和謝君豪昨日到商台，宣傳下月底演出的舞台劇《奪命証人》。嘉玲提到幫偉仔接工作時，笑言只是暫時性質：「畢竟我都打理自己工作20幾年，非常勝任（偉仔聯絡人）呢個職責。（索性長做偉仔經理人？）我唔想大家嘅關係咁密切，都想畀番啲空間自己。」她自言跟偉仔共同生活30年，已十分了解對方脾性：「可能佢覺得我有安全感呢。（幫偉仔多接工作？）我想收埋佢喎！不過如果有適合工作，我會游說佢，我想佢演舞台劇，會叫佢嚟睇綵排，如果佢同謝君豪同台鬥演技，會好有新鮮感。」

接受《色，戒》情慾戲

嘉玲與謝君豪現正忙於排戲，劇中飾演夫妻的二人屆時更有親熱戲。嘉玲笑說：「雖然未排到呢場，但如果去到《色，戒》呢種程度我都可以，有乜咁大驚小怪。總之呢場戲係要畀大家知我有幾愛我老公（謝君豪），我唔能夠無咗佢。」扮演殺人嫌疑犯的謝君豪，提到劇情時說：「我係無辜，我好純潔，又錫老婆又顧家，同現實嘅我一樣。」嘉玲聞言即講笑說：「佢平時唔係咁，演嚟一定有難度！」

採訪︰Pauline

編輯：李潔盈

美術：梁政敏