軒仔：同Kenny關係不變

一連六場《Hinsideout張敬軒2018演唱會》前晚在紅館舉行尾場，坐在觀眾席第一排的Boy'z成員關智斌（Kenny）同張致恒（Steven）被拉上台再度擔任嘉賓。軒仔更約定下次為Boy'z演唱會做嘉賓！

當晚Boy'z在台下睇騷，軒仔忽然說︰「其實我前兩晚先喺紅館見到神蹟。當Boy'z上到嚟之後，我見到連傷殘位嘅人都企晒起身，我第一次喺紅館見到神蹟！」之後軒仔走到觀眾席拉Kenny上台，自行上台的Steven笑稱還是落台好了，此舉被軒仔阻止。Boy'z兩度為軒仔擔任嘉賓，觀眾反應熱烈。

慶功宴上，軒仔被問到與Kenny同台會否尷尬？他大方表示︰「唔尷尬，不嬲都唔尷尬，係等緊啲機會，無平時啲收收埋埋，邊會有今次咁爆嘅核彈呀！（點報答佢？）我哋之間唔講呢啲，我哋講心唔講金，心意嚟。」

之前有傳兩人已「斷交」，是否再見亦是朋友？軒仔笑言︰「其實咁耐以嚟我哋都無減少來往，只係有時啲報道唔想回應，怕愈描愈黑。咁多年都係好好、好好嘅朋友，好Close嘅朋友。」

腳毛粗刮爛絲襪

軒仔又談到「降兩度」的造型︰「我斯文啲，『降兩度』把口就賤啲，所以有個分身係好玩嘅。（真係剃腳毛？）係呀，晚晚都剃，原來剃腳毛都要成個鐘。因為想睇上嚟有光澤就着絲襪，但（腳毛）太粗試過刮爛對絲襪，真係女人唔易做。」

撰文︰Pauline

編輯︰黃卉彤

美術︰梁政敏