想與劉華古仔拍戲 麥明詩願放棄后冠

《2018年度香港小姐競選》目前正接受報名，麥明詩（Louisa）、張寶欣及陳凱琳等幾位港姐前晚出席公開招募活動，Louisa直言最開心的，是入行後可以跟靚仔拍戲。

麥明詩表示一直很仰慕苗僑偉（三哥），她笑言︰「之前睇《使徒行者》仲讀緊書，無諗過之後竟然同佢一齊拍《使徒行者2》。細個無妄想過同佢合作，估唔到竟然可以。」她更坦言想與劉德華、古天樂合作，還有台灣型男彭于晏。問她如果有機會跟三位靚仔合作，願意付出甚麼代價？Louisa笑言︰「后冠囉！唔係打算賣，係代表願意將最珍貴嘅嘢攞出嚟，參考公司宣傳，（后冠）應該值400萬港元。（你想將后冠抵押？）如果我家徒四壁或者突然有意外，有必要嘅話，唔排除有需要，當然盡可能都唔會，首先會努力工作賺錢。」

雷莊𠒇返加拿大

Louisa最近開始留意時裝，她自覺以前胡亂配搭服飾，有時穿得不好看，但現在學懂了解自己的長處和短處，亦會勇於嘗試不同造型。

去年港姐冠軍雷莊𠒇卸任在即，預計返加拿大陪家人和男友，並為新工作做好準備。她坦言已開始不捨得香港的人和事。

撰文︰Pauline

編輯：陳禮恒

美術：招潤洪