C AllStar 中最先單飛派歌 釗峰︰我以前太依賴

組合C AllStar的梁釗峰昨日宣傳他單飛後首支派台新歌《月亮不代表我的心》，出席完電台節目後，親臨《晴報》進行office tour及網上直播，他直言過往比較依賴三位好兄弟，故今次獨自宣傳的心情有點不慣。

釗峰昨日帶同結他手到《晴報》辦公室獻唱新歌，吸引大批粉絲拍照及錄影。期間，釗峰表示很多人都以為他會創作一首《天梯》2號的歌，但他表示︰「大家會覺得我份人咁深情，一定係唱啲煽情同慘情歌，但今次首新歌正正就係想講，我都可以有唔同角色，未必好似月亮咁最光猛、咁值得注意，但其實係可以多面睇的。」

獨個兒做宣傳

新歌MV於今日推出，釗峰興奮表示︰「我喺MV裏面係做一個『梁教授』，專門研究眼淚，叫人不要抑壓情緒，又會將收集咗嘅眼淚透過一個眼淚蒸發器，幫助一些不懂得去抒發悲傷情感的人。」被問到首次獨個兒宣傳的心情，釗峰直言有點不習慣，但就不感到緊張，他說︰「我以前太依賴，做訪問或表演，習慣有三個兄弟喺側邊，但我都經歷過組合一段日子，係時候要將呢個依賴放低，自己撑起自己鍾意的音樂。」

安仔肉麻力撑

釗峰直言跟其他三位兄弟King、安仔及Jase仍保持聯絡，他自爆︰「我派歌前一日，安仔問我拎首歌去聽，跟住畀咗個emoji的啜啜符號我，超級肉麻，但我鍾意，係心照支持。」釗峰又指已密鑼緊鼓籌備新碟，希望盡快儲夠歌曲，目標在年尾或明年初推出首張個人專輯。

採訪︰倪小珊

攝影︰林良明

編輯︰黃卉彤

美術︰梁政敏