阿嬌孖老公十指緊扣返港

上月25日於美國正式成為「賴太」的鍾欣潼（阿嬌），昨晚七時許與老公賴弘國雙雙返港，阿嬌全程拖實老公的手，兩人又不時甜蜜互望，認真sweet爆。

阿嬌透露兩人在美國舉行完婚禮後，先去了日本，之後返回台灣，但她強調︰「今次喺美國無簽字（結婚），因為我哋一齊唔係太耐，所以想留個美好回憶畀大家，又可以同好朋友聚埋一齊，啲片段會留喺婚禮上播。」至於香港的婚禮，已定了在12月舉行，但確實日子未定。

問阿嬌覺得老公值幾多分？她甜笑說︰「唔可以畀滿分，驚佢會太驕傲。」但賴弘國就給阿嬌滿分，更表示自己的爸爸和家人也十分喜歡阿嬌。問家人可有催他們生BB？阿嬌說︰「一步步嚟，生小朋友都係睇緣分。」在婚禮上為何選擇將花球直接拿給阿Sa？阿嬌直言︰「花球得一個之嘛，想所有朋友都得到幸福。」