HotCha開騷大方捧場 薛世恒重提Regen︰緋聞九級流

今年成立十周年的HotCha，前晚於九展舉行慈善演唱會，曾跟成員張惠雅（Regen）傳緋聞的薛世恒，亦不避嫌捧場。他笑言當年的緋聞甚假，所以見面不會尷尬。

Regen、張紋嘉（Crystal）和黎美言（Winkie）前晚穿上熱褲、短裙，在台上勁歌熱舞，一眾昔日跟HotCha合作過的經理人及工作人員等均有捧場，除了Winkie現任老闆諸葛紫岐外，三人的前老闆薛世恒亦有現身。薛世恒表示有到後台為三人打氣，又輕鬆笑談與Regen的緋聞︰「咁多段緋聞入面，呢單比較流，係九級流！以前我係佢哋經理人，同藝人見面好合理，無理由變成緋聞。」

問薛世恒再見Regen可會尷尬？他說︰「唔會，見到佢哋多年來好大成長，戥佢哋高興。」而Regen在騷後亦笑說︰「佢（薛世恒）梗係要嚟，佢以前係我哋老闆。」

由頭喊到尾

前晚HotCha獻唱第一首慢歌《學習期》時，Winkie已感觸落淚，Regen見狀說︰「明明講明要忍住，唔好第一首歌就喊。」但Regen自白十年來的成長時亦一度哽咽；差不多完騷時，三女更在台上一齊喊。Regen事後表示今次演唱會有很多回憶︰「綵排練歌嗰陣諗番好多以前嘅事，今次有咁多Fans嚟睇，真係好感動，希望開到Part 2。」

撰文︰Pauline

編輯︰李潔盈

美術︰梁政敏