重提向靚靚求婚經過 Chilam唔肯跪︰男兒膝下有黃金

張智霖（Chilam）與胡杏兒昨日在西灣河，為新片《死亡通知單暗黑者︰首部曲「雙雄會」》拍攝求婚場面。拍照時，Chilam堅持不肯向杏兒下跪，原來他當年向老婆袁詠儀（靚靚）求婚時，一樣堅持無跪地，但成功抱得美人歸。

Chilam昨日在傳媒面前重演求婚場面，但他為杏兒戴鑽戒時，竟不知戴哪隻手，要杏兒開口提點。他指着杏兒手上的兩卡巨鑽說︰「跪唔跪唔重要，最緊要大粒，其實係廣告植入，有贊助嘅，話唔定拍完會送畀杏兒呢。」提到他當年向靚靚求婚的經過，他表示在新加坡求婚︰「我懶係勁，返到酒店我話有禮物，跟住拎個盒出嚟，原來係耳環，靚靚就有啲失望，不過跟住我話仲有（鑽戒）。」

Chilam笑言現在自覺很笨，因為多年來從未見靚靚戴過該對耳環，早知不用多買一份禮物。問他求婚時有否跪地︰「男兒膝下有黃金！我哋兩情相悅，唔使咁多繁文縟節。」同場的杏兒則笑說，老公李乘德求婚時有向她下跪︰「老公唔係跪咗好耐，只係跪咗幾秒，我就自然反應叫佢起身，依家聽到Chilam咁講都後悔，應該叫佢跪耐啲。」Chilam聞言則搞笑說︰「千祈唔好有下次呀，因為可能瀨咗嘢先會跪地！你都希望佢一世人只係跪一次啦。」

杏兒避談黃智雯婚期

另外，提到「胡說八道會」的黃智雯盛傳今年內結婚，更由杏兒的婚紗店贊助婚紗禮服，杏兒聞言只神秘地笑笑，堅拒透露好友婚期︰「呢個你哋問番佢啦！總之愈早愈好啦，因為我哋要度期！」

採訪︰Pauline

編輯︰李潔盈

美術︰梁政敏