張寶兒否認借袁偉豪喪父宣傳

張寶兒、麥明詩及陳庭欣昨日出席遊戲節目《海上夏日遊樂園》記者會，張寶兒日前在IG Po文悼念男友袁偉豪爸爸離世，但被網民抨擊她疑在文中順勢宣傳自己代言的郵輪，她昨日否認說：「篇文係男友爸爸過身後幾日Po，只係有感而發，大家可能誤會咗，我純粹寫番個地方，唔通我標籤皇后像廣場，又話我宣傳咩？」另外，麥明詩與陳庭欣將在節目穿泳裝上陣，麥明詩笑說：「我準備咗一件令自己身材豐滿嘅泳衣，但知道節目有沈卓盈後，都係覺得唔好班門弄斧，最後就加咗件Tee。」