張文慈新劇唔使騷身材

張文慈（Pinky）昨日到商台宣傳新劇《宮心計2深宮計》，談到日前在商場與市民一齊欣賞首播，Pinky大讚畫面拍得靚，剪接緊湊。對於劇集在內地未能同步播出，Pinky表示剛剛才知道，也不清楚原因，但不少內地Fans向她查問，希望能盡快推出，始終是大家一起辛苦的成果。

對於劇集首集已有劉心悠出浴戲，Pinky笑言︰「我就唔需要騷身材，反而遲啲蕭正楠會騷Body囉。佢為咗嗰場戲，節食減肥咗好耐呀。」她透露忙完劇集宣傳後，六月底開劇前會與家人到韓國旅行。