宣萱撥大葵扇 向馬明催婚

去年獲封為民選視帝視后的馬國明和宣萱，昨天結伴到中環出席美容活動，二人獲大會送出禮券享用服務，馬明被取笑可以送給女友黃心穎，宣萱不忘在旁撥大葵扇，又落足嘴頭催婚生仔，令馬明尷尬不已。

宣萱在台上故作不知情，不停追問馬明「BB係邊個？」又笑指以為心穎早已改姓馬，令他不懂招架。馬明表示會把永久VIP卡送給家人，司儀卻抵死稱︰「但BB仲未成為家人喎！」

活動後二人一同受訪，宣萱表示︰「講到好似好事近，所以要update下。」宣萱追問二人拍拖幾耐，又催促對方趁後生，及早生仔好處多，也有精力跟小朋友玩。至於她自己就不擅長與小朋友玩，畢竟每人的選擇不同。

馬明提議用VIP卡求婚可能有着數，問他可有一套求婚計劃？馬明急忙解釋心穎未改姓馬，亦暫未有計劃︰「未未未，唔好寫到呢度。」有人笑指女方快將踏入「3字頭」，宣萱認為生育不應受年齡限制，而馬明則連聲表示不急，一切隨緣好了。

唔敢口花花

多年前，宣萱和羅嘉良（撈家）是熒幕最佳拍檔，她望着馬明稱感覺上馬明似撈家。「佢同撈家好似，又係怕醜，密密做，佢好有實力，但我哋無正式合作過，如果有機會都想試，會有唔同火花。」馬明承認一直視宣萱為女神，自言站在旁邊不敢口花花，得悉宣萱讚他傻更更，馬明竟答︰「即係戇居居。」

採訪︰Pauline

編輯︰陳禮恒

美術︰梁政敏